आज जागतिक पृथ्वी दिवस.
जागतिक पृथ्वी दिवस दर वर्षी साजरा होतो. या दिवशी आपण आपल्या ग्रहाच्या जैवविविधतेचे रक्षण करणे, इथल्या परिसंस्थांचे संरक्षण करणे आणि येणाऱ्या पिढ्यांसाठी शाश्वत भविष्य घडवण्याचे महत्त्व प्रतिबिंबित करतो. आपली पृथ्वी अनेक आव्हानांना सामोरी जात असताना प्रत्येकाने आपल्या परीने पृथ्वीच्या संरक्षणार्थ पुढे येणं आवश्यक आहे.
आसमंत गेली काही वर्षे शाश्वत विकास उद्दिष्ट १४ आणि १५ वर प्रत्यक्ष काम करत आहे. सागर आणि सगराभोवती असलेल्या परिसंस्थेचा अभ्यास शाश्वत विकासासाठी महासागर, समुद्र, आणि सागरी साधने जतन करणे व त्यांचा सातत्याने वापर करण्याच्या दृष्टीने कार्य करत आहे. तसेच जैवविविधता उद्यान द्वारे जमिनीवरील पर्यावरण संस्थेचे रक्षण करणे, त्याची पुनःस्थापना करणे, त्याचा शाश्वत वापर करण्यास मदत करणे, सातत्याने जंगलांची व्यवस्था बघणे, जंगले ओसाड होण्यापासून थांबवणे, जमिनीची धूप थांबवणे व धूप झालेल्या जमिनीची पुनःस्थापना करणे आणि जैवविविधतेची हानी होण्यापासून थांबवण्यासाठी प्रयत्नशील आहे.
आपल्या ग्रहाचा सन्मान करूया आणि पर्यावरण रक्षणाला प्रोत्साहन देऊया. आपलं आहे आपणच सांभाळायला हवं. चला आसमंतच्या कार्यात सहभागी होऊया.
नंदकुमार पटवर्धन